小編實測 第一次做755激光脫毛！腋下脫毛方法逐個講
唔知jm們係咪同小編一樣，將激光脫毛長期擺喺on the list要做嘅事。手、腳、腋下……全身咁多個部位嘅毛髮，自己成日keep住剃完又剃，特別係夏天仲要再密啲，其實真係好煩好困擾，所以最近小編終於的起心肝第一次去試做755激光脫毛！不過小編都算敏感性皮膚，最怕療程會搞到皮膚又痕又痛，所以做完research之後比較咗唔同腋下脫毛方法，最後就決定去MEDILASE做755激光脫毛，等我share晒成個過程係點，去到最尾再畀埋個research大家睇啦。
MEDILASE 755激光脫毛 小編實測報告
小編今次係去做腋下同全手脫毛，一開始先喺MEDILASE官網登記做個「PRO-U ANALYZER」(PUA)科學化激光評估，第二日就已經有同事聯絡confirm日子時間，其實如果想即日預約，可以喺官網WhatsApp問下當日仲有無時間。上到去，小編感覺環境幾舒服，因為好開揚同闊落。坐低填好登記表格之後就直接開始做PUA。
755激光脫毛前要了解做唔做得
PUA係755激光脫毛前必須要做嘅評估，目的係畀客人同治療師了解咗身體狀況，再制定合適嘅脫毛方案。成個過程大概30分鐘，首先有一份form要填，內容係有關生活習慣，例如有冇做開運動、係咪喺室外工作、有冇長期食藥或者食supplement之類嘅問題。
之後佢哋嘅顧問同小編講解返哈佛醫學院FitzPRO Scale「皮膚毛髮色譜評估」，原來有啲膚質同膚色係會影響脫毛效果，甚至唔建議做。
之後佢地有好好check下我嘅皮膚狀態，頭2個accessments 都無問題，先再幫我做激光反應測試，去確保我對激光有冇敏感反應。治療師喺我手上面用激光測試下，make sure我冇任何敏感之後再繼續。要讚一讚顧問好專業同好細心，每個step都好仔細同小編講解。最後經過PUA分析認為我嘅皮膚狀態適合做激光脫毛，解釋晒會點處理同埋每一個步驟，再根據埋我的毛髮分量去建議所選部位要做幾多次，定製一個專屬我的脫毛時間表。之後就ready去做treatment喇。
剃漏毛收唔收費？同埋會唔會唔足？
入到treatment房，治療師就叫小編換衫先。跟住開始清潔療程部位，其實上嚟之前自己已經屋企剃咗毛，點知仲係剃得唔夠乾淨，治療師主動幫手喺現場即刻幫我剃乾淨，手勢好好，完全冇剃損。今次小編做755激光脫毛脫全手同腋下，因為脫毛嘅位置比較大，治療師就開始幫我劃埋線。原來MEDILASE 呢個步驟係確保治療師定好脫毛範圍，劃好嘅部位都會好密咁去做。同埋如果脫毛位置係有紋身或者有疤嘅話，都會圈住佢哋，做機時避開嗰啲位置架。
小編唔止皮膚易敏感，仲怕痛怕打針，所以做之前真係好緊張，當治療師幫我打嘅時候，覺得有嘢彈左咗一下，但真係完全唔痛，打咗幾下之後，治療師問我O唔OK，接唔接受到，接受到就會繼續。治療師一直keep住同小編溝通，所以感覺好安心，話咁快就打完喇。
其實之所以選擇MEDILASE做755激光脫毛療程，因為佢哋連續三年都係美國權威醫美設備品牌Candela嘅premium partner，仲要係全港唯一引入GentleMax Pro Plus脫毛機嘅醫美中心，專門針對頑固同幼細毛髮，儀器另一特點係配備PRO-U Epid-Cooling System智能降溫系統，大幅降低激光熱能可能誘發嘅過敏反應或痕癢，小編而家可以話你知，真係完全唔痕又唔痛！
打完激光就完？打完原來係有保濕護理搽架！
完成之後，MEDILASE會提供獨有嘅保濕護理Follicle Cooling，敷完一陣皮膚真係冇「掹掹緊」。到最後著返衫，成個人settle好晒之後，治療師再一次好仔細咁同小編講解需要注意嘅地方，可以點樣避免副作用，咁樣第一次嘅755激光脫毛療程就完成咗喇！
其實成個脫毛過程，無論係舒適度，甚至環境都令小編好impressed，treatment房格局簡簡單單，白色為主，好乾淨企理，除咗見到有床、脫毛儀器、洗手盤，就連衣櫃都有，麻雀雖小，五臟俱全。另一個加分位係「專業度」，所有MEDILASE嘅治療師都要經過唔少於432小時嘅專業培訓，再考獲專業資格，而且負責操作脫毛儀器嘅團隊仲係高級光學治療師；MEDILASE仲有一隊專業光學團隊 CCOE會主動詢問客人療程後嘅狀況，如果脫毛後發現有異常情況可以即時提供支援，係咪即刻安心晒先。
激光脫毛一般做4-6次就可以有永久徹底嘅效果，嚟緊小編會繼續follow返治療師嘅脫毛schedule，做多幾次treatment，好期待最終結果係點呢。如果你都想試下755激光脫毛，而家MEDILASE做緊SUPER VALUE COMBO，套餐價包上唇、下唇同埋腋下脫毛，心動不如早啲行動，而家快啲嚟網站 https://bit.ly/40xxZoW 登記755激光脫毛，享受hair-free清爽感覺，或者即時WhatsApp https://bit.ly/3W600kT 查詢更多啦。
至於想了解返脫毛方法比較，就睇埋以下喇！
五大腋下脫毛方法 Pros & Cons
1) 剃刀
✔️簡單易用 ❌keep唔耐、易剃傷、剃粗毛髮
剃刀操作簡單方便，但一唔小心好易剃傷皮膚，甚至會剃粗毛髮，如果長期用剃刀仲可能引致毛髮倒生。而且毛髮話咁快又生過，要一直keep住剃。
2) 脫毛膏
✔️方便無痛、價錢平 ❌短效、易起敏感、色素沉澱
脫毛膏一様使用方便，快見效，無痛而且價錢平。但缺點就係效果維持唔耐，要經常重複使用，加上脫毛膏含有化學成分，具有刺激性，容易引起皮膚敏感反應，或導致色素沉澱。
3) 蜜臘/脫毛臘紙
✔️ 毛髮連根拔起 ❌有痛感、或會傷及毛囊
蜜蠟/ 脫毛臘紙黏力強，可以將毛髮連根拔起，比前兩種脫毛方法效果更持久。壞處係撕去臘紙嘅時候痛感明顯，假如拉扯不當仲好大機會傷及毛囊。
4) 家用脫毛儀
✔️ 延緩毛髮生長 ❌質量參差、可能會灼傷皮膚
家用脫毛儀有效延緩毛髮生長速度，雖然唔係永久性脫毛，但可以令後續生長嘅毛髮變得幼細、皮膚望落更光滑。缺點就係使用時可能會有灼熱感，而且儀器質量參差，安全性唔穩定，錯誤操作仲可能灼傷皮膚。
5) 激光脫毛
✔️徹底永久脫毛、損害最低過程舒適 ❌價格較高
五種脫毛方法當中，激光脫毛嘅效果係最徹底、最持久，可以達到永久脫毛效果。而且過程最舒適，高階嘅激光脫毛儀器可以一邊脫毛，一邊做cooling，兼且無痛。當然價格比較高，但就最一勞永逸。