爆紅ONDA溶脂速效瘦身真係work？背後原理大拆解
聲稱有效極速瘦身嘅ONDA溶脂技術ONDA PLUS，喺唔同social media、KOL之間討論度極高！ONDA溶脂專利超微波技術有效針對性破壞脂肪組織，只需要瞓喺度輕輕鬆鬆做機，唔止減到脂又可以令皮膚firm啲，啱晒臨急抱佛腳嘅減肥人士，就連唔少明星出show或者出event前，務求以最fit狀態示人，都會拿拿臨趕去做一做機，聽到都即刻心思思想試！不過衝動之餘好應該了解下點解呢個療程會咁有效？我哋就從佢嘅原理開始睇。
ONDA溶脂原理
ONDA溶脂療程原理係以2.45GHZ超高頻的微波技術，從外將皮下脂肪加熱至特定溫度，脂肪細胞因為熱力而受到破壞，繼而釋出三酸甘油脂、脂肪酸等，釋出嘅物質最後會經身體循環，分解代謝而排出體外，達到溶脂修身嘅效果。
激光射頻和HIFU的缺點
溶脂成效同加熱深度、能量有密切關係，好似一般嘅激光射頻可以深入大約6-10mm，熱力穿透性低，只係到達皮膚淺層，至於HIFU類型嘅超聲波就可到達13mm嘅皮下脂肪層，聽落效果都唔差，但其實呢類型嘅射頻能量有53%-68%都畀皮膚層吸收咗，落到脂肪層嘅能量係極少。再者HIFU只能夠一次加熱一個層面嘅脂肪，熱力無咁均勻，因此效果嚟得比較慢亦冇咁明顯，療程時間每次需要20分鐘至30分鐘不等。
ONDA溶脂超微波 針對性速效打擊脂肪層
至於ONDA溶脂嘅ONDA PLUS採用全球唯一Coolwaves™超高頻微波，可以深入至15mm嘅皮下脂肪，當中80-94%嘅能量針對性咁直接用喺脂肪層，所以效能比前兩者更高。其次ONDA溶脂超微波輸出嘅熱力，可以大面積將整個皮下脂肪層均勻加熱，熱力可達至55°C，每次療程大約只需要十分鐘，就有溶脂修身效果，既快速又非常平均。
ONDA溶脂 不只溶脂更係橙皮紋殺手
ONDA溶脂技術另一優勝之處係適用範圍較其他射頻療法多，ONDA PLUS備有3款唔同機頭，有效針對局部脂肪、收緊皮膚，就連俗稱「橙皮紋」嘅蜂窩組織都處理到。原因在於ONDA嘅機頭利用極性對流原理，有效將微波能量集中喺機頭中心，而唔係散射式發放，因此可以精確地調較超微波釋放嘅能量同深度，快速瓦解過大凸起嘅脂肪細胞同深層頑固脂肪，應付橙皮紋呢種主要由皮膚鬆弛、膠原蛋白流失、脂肪分佈不均而囤積，嚴重至纖維化同結節嘅問題，特別見效，一般做2-3次療程就有明顯改善。
但係ONDA溶脂唔止得「破壞」同時有建設，Coolwaves™超微波熱能會令真皮中嘅膠原纖維立即收縮，刺激新嘅膠原蛋白生成，皮膚組織因而變得更平滑緊緻，達到一邊清除脂肪，另一邊緊緻肌膚嘅雙重功效。至於應用部位除咗你諗得到嘅腹部、腰側、大腿、臀部、手臂等等，連面部甚至雙下巴都可以有效消除。
最重要嘅ONDA溶脂療程係非侵入性，全程無創傷，完成療程之後亦無復原期，可以如常活動，安全性高。療程之間一般可以相隔至少2星期再做，因為療程完成後受熱部位嘅脂肪細胞會持續燃燒、解體，最後分解代謝，再經淋巴系統排出體外。
無痛舒適 零復原期
ONDA PLUS超微波熱力可以高達55°C，但用家完全毋須擔心，因為儀器備有感溫制冷系統，以冷凍技術「包裹」熱能發放，當進行療程時，冷凍機頭能夠持續幫表皮降溫至5°C，皮膚感應嘅溫度就處於15-25°C，非常舒適，一方面預防灼傷同時，亦絶對唔會凍傷皮膚，反而起到麻醉皮膚嘅作用，所以即使療程期間作大面積加熱，都唔會產生不適嘅灼熱感，甚至完全覺得無痛。
ONDA溶脂療程去邊間做好？
香港唔少地方都有提供ONDA 溶脂療程，大家或者首先會考慮價錢，但係如果想儀器發揮佢最大嘅效用，始終光顧大牌子嘅美容公司會比小型美容院優勝，一嚟勝在資源多有足夠training，負責人員對美容儀器嘅知識、技術、經驗同安全意識都比較高。有時去細鋪頭做，就算同樣嘅療程次數都未必達到相同效果，所以好似MEDILASE呢啲大型正規嘅美容公司，對用家絶對更有保障，佢哋會幫客人免費做Inbody 體脂測量，了解你嘅飲食同生活習慣，才建議最合適嘅溶脂療程。難怪會吸引到唔少明星用家，包括岑杏賢都係佢哋嘅用戶之一，Jennifer做機之後嘅塑身效果仲好明顯添。
以後減肥可以完全無痛，臨急抱佛腳都冇問題，想睇更多MEDILASE Onda Plus的資訊即按此了解更多，或者WhatsApp佢哋https://bit.ly/46fjkAa，展開ONDA溶脂輕鬆塑身之旅！