top of page
【彼氏高呼：𥄫女無罪】
造物主創造咗男人，賜予我哋明亮嘅雙眼，主要用途當然係用嚟欣賞麈世間嘅美女。奈何女人對於我地𥄫女仔係有偏見。
係人都喜歡欣賞靚嘅嘢，出街見到靚嘅車，靚嘅鞋、𡃁嘅囡，梗係會𥄫一𥄫啦，係天性。有時同彼女出街，我都會將天性發揮得醒目D嘅，借D依𥄫一𥄫就算。可惜，有次𥄫多左0.05 秒，比彼女發現咗我𥄫女。其實我當時只係覺得嗰位女性可能係因為家境清貧搞到要着D冇乜布嘅衫褲，有D可憐，先忍唔住用憐憫嘅眼神望多兩眼。
可惜，有時真性情都會唔小心表露咗出嚟。有一次除夕倒數飲到 high high 地，望完對導彈之後唔小心講多咗一句自己都唔知。（詳情請睇返【彼女警告：唔好再𥄫女﹗】）嗰次比酒精影響咗招惹殺生之禍，我發誓以後𥄫女會嚴守眼看口勿動嘅原則，唔會再比彼女發現。
有統計話過一個男人喺一生人入面用咗大概三個月嘅時間去𥄫女。所以，呢個天性係冇法子改變，希望彼女可以體諒啦。
P.S 嚴正聲明：彼氏確實有三哥咁靚仔，沒有半點猥瑣，所以我嗰D係叫欣賞女性，並非𥄫女：）
彼氏
十一月廿五日
bottom of page