對超聲刀副作用有疑慮？了解三大瘦面提拉療程優點 你嘅面型應該點揀？
個個都話要提拉瘦面同減雙下巴，唔通個個做同一款醫美療程都啱？其實唔同面型直接影響你揀邊一款瘦面提拉嘅醫美療程，而講到最出名嘅提拉瘦面療程就係超聲刀 Ultherapy、Thermage 熱瑪吉同水原共生。想知道超聲刀副作用大唔大？做Theramge 打幾多發先至夠？水原共生有冇面型限制？就要睇以下懶人包喇！
Ultherapy超聲刀：提拉力強 包包面殺手
近年備受追捧嘅Ultherapy超聲刀係唯一獲美國FDA認證嘅非侵入式收緊頸部、下顎線、拉提眉線嘅療程；兼且係獲歐盟CE認證嘅上臉部、下臉部、頸部重塑提拉療程。呢項技術利用高能量聚焦超聲波，以定點形式配合各款機頭，將能量避開皮膚表層，精準直達3mm真皮層及4.5mm筋膜層，深層皮膚被加熱至約60-70度，係最有效啟動膠原蛋白新生自然反應嘅溫度，療程後新鮮膠原蛋白會逐漸取代體內老化嘅膠原蛋白，有效緊緻肌膚、消除皮下脂肪、收緊下顎線、打造V面輪廓同提拉雙下巴。
由於Ultherapy超聲刀嘅提拉「力度」明顯較強，應用範圍亦比較大，所以最啱好似全昭旻呢款包包面，或者面部下垂情況較為嚴重嘅朋友，可以用Ultherapy超聲刀改善整體面部肌膚，唔止會顯著收緊，線條即刻出晒嚟，望落塊面都即刻細返成個size。
（圖片來源：IG @jsomin86)
Ultherapy超聲刀：熱力高易痺痛 收費按發數計算
講到Ultherapy超聲刀副作用，超聲波熱力高容易喺療程期間有痺痛感，事後皮膚又會覺得好乾。Ultherapy嘅復原期大約係3至7日左右，收費就要視乎治療部位有幾大，整個面部要600發，而全面連頸就要900發左右，總之部位愈多收費就愈貴。
Thermage 熱瑪吉：有效針對鬆弛有紋、尖削面型
另一款比較hit嘅Thermage係全球唯一獲美國FDA認可嘅非入侵眼臉性緊膚療程，佢嘅專利單極射頻技術立體加熱深層皮膚，激發膠原蛋白即時收緊。配合最新一代智能探頭將熱能深入至4.3mm嘅深層皮下組織，可以緊膚、改善面部下垂。同時，膠原蛋白因為受熱而持續增生，皮膚會變得飽滿緊緻，仲有效撫平皺紋，提升輪廓。Thermage 非常適合本身面型比較細同尖削，但又需要局部改善細紋、下垂問題嘅女生。
譬如何嘉莉Lillian呢類小V面型其實特別適合做Thermage，因為Thermage收緊肌膚嘅效果強烈，做完treatment出嚟嘅效果會好明顯，兼且仲可以一次過做埋上下眼瞼、眼周、魚尾紋及眼袋，十分適合想針對改善鬆弛及淡化皺紋的人。
（圖片來源：IG @lillianho________)
Thermage 熱瑪吉：容易灼傷皮膚 收費一樣睇發數
由於Thermage都係會加熱皮膚，所以Thermage的副作用同超聲刀副作用相似，Thermage嘅高熱力射頻有機會灼傷客人皮膚，產生強烈灼熱刺痛感，同變得乾燥，而復原期大約係3至7日。同時Thermage每個探頭都有發數限制，所以收費用幾多發就計幾多，一般做全個面部要600發，做全面連頸要900發，治療部位使用嘅探頭愈多，價格就愈貴。
雖然每項醫美療程多少都有風險，尤其係高能量嘅療程，但一般操作安全嘅情況下都唔會出現大嘅超聲刀副作用。但都建議大家搵返大型嘅醫美品牌去做，事後都有妥善嘅 follow up就安心好多，而事前亦都會做足皮膚及輪廓分析。
水原共生：適合任何面型 性價比高之選
最後係MEDILASE 水原共生，水原共生入面的MDS提拉同Ultherapy超聲刀一樣屬於高能量聚焦超聲波，但採用渦旋式深入整段真皮層及筋膜層，激活膠原再生，達至提拉輪廓，解決鬆弛下垂以及改善膚質嘅功效。水原共生特別之處係提拉肌膚以外，額外添加深層注水修復步驟，以德國最新激光導入科技，將高濃度水分因子直滲肌底，所以肌膚就算經過高溫處理，依然保持水潤飽滿，最後再注入含生長、修復、抗氧化因子嘅營養液，深層補濕鎖水，再進一步解決缺水細紋、皮膚粗糙暗啞嘅問題，輪廓膚質同步提升
MEDILASE嘅水原共生 就好似將提拉緊膚同補濕美肌療程合二為一，完全冇上述嘅超聲刀副作用，唔會因為溫度太高導致皮膚灼熱不適，補水功能又避免肌膚變得「乾爭爭」，望落自然唔繃緊，加上佢嘅覆蓋範圍非常全面均勻，提拉激生膠原效果更加徹底，所以任何面型嘅姊妹都適合，就好似Stephy咁様比較尖瘦嘅面型，通通都可以做。
（圖片來源：IG @stboo)
水原共生的MDS仲採用獨有嘅無痛觸感技術，療程期間完全零痛感，亦無復原期，可謂三者當中最舒適嘅選擇，所以好多明星出event同拍廣告前都會做，做完更可以即時化妝。價錢方面都CP值唔錯，因為水原共生的 MDS完全唔計發數，一個價錢就包括全面連頸，亦都冇隱藏收費，性價比可以話最高。
如果你係屬於乾性皮膚，你就可以揀水原共生，水原共生的MDS技術，唔會有灼熱感，可以補濕同時可以擁有超聲刀嘅V面效果；如果你係中性或油肌同埋面型比較瘦長同尖，就可以考慮做Thermage喇！相反，如果你係包包面的話，就可以用考慮做超聲刀喇！唔好再因為坊間嘅超聲刀副作用卻步，一齊用科技狠狠變美。
MEDILASE有唔同瘦面療程，而且所有的MEDILASE治療師經過不少於432小時專業培訓，並考獲專業資格，操作安全，喺療程前會細心講解點樣避免副作用，療程後要注意嘅事項。
想試下MEDILASE 水原共生的水潤V面新體驗嘅你，即時按此登記MEDILASE水原共生，或者想了解多啲先都可即時WhatsApp查詢 水原共生；至於選擇Thermage嘅你，都可以按此時直接登記Thermage仲會有輪廓分析送比你，想問多啲Thermage的details 可以即時 WhatsApp查詢。